نیوزی لینڈ میں 3زلزلے ،سونامی کی وارننگ واپس لے لی گئی

تفصیلات کے مطابق نیوزی لینڈ کے شمال مشرق میں بحر الکاہل میں چند گھنٹوں کے وقفے سے زلزلے کے تین شدید جھٹکے محسوس کیے گئے۔ جزیرے  کیرماڈیک  زلزلے کے جھٹکوں کی شدت 8 اعشاریہ 1ریکارڈ کی گئی۔ جمعرات اور جمعہ کی درمیانی شب آنے والے 7.4اور 7.3 شدت کے  زلزلے کے بعد بحرالکاہل میں سونامی کی وارننگ جاری کردی گئی تھی جسے اب ہٹا لیا گیا ہے ۔

 تیسرے  زلزلے کے بعد حکام نے ساحلی علاقوں میں رہنے والے باشندوں کے لئے افراد کے انخلا کا حکم جاری کیا تھا  ۔

پیسیفک سونامی وارننگ سینٹر کے مطابق سونامی کی چھوٹی لہریں جاپان، روس، میکسیکو اور جنوب امریکی ساحل سے بھی ٹکرا سکتی ہیں۔   نیوزی لینڈ نے مشرقی ساحلی علاقوں میں موجود افراد کو محفوظ مقامات پر جانیکی ہدایت کر دی۔ ہوائی اور امریکی ساموا کے لئے بھی سونامی کی وارننگ جاری کی گئی تھی  تاہم اب وارننگ ختم کردی گئی ہے ۔

زلزلے کے بعد  نیوزی لینڈ کے وزیر اعظم جسینڈا آرڈرن نے انسٹاگرام پر پیغام  پوسٹ کیا کہ "امید ہے کہ وہاں سب ٹھیک ہوں گے " ۔

خیال رہے کہ اس سے قبل 2011 میں ، نیوزی لینڈ کے شہر کرائسٹ چرچ میں 6.3 شدت کا زلزلہ آیا تھا جس میں 185 افراد ہلاک  ہوئے تھے اورشہر کا بیشتر حصہ تباہ ہوگیا تھا ۔