بالی ووڈ اداکارہ نورا فتیحی کورونا کا شکار

سوشل میڈیا پر نورا فتیحی نے اپنے مداحوں کو اپنی طبیعت سے آگاہ کرتے ہوئے بتایا ہے کہ بدقسمتی سے میں اس وقت کوویڈ سے لڑ رہی ہوں اور کورونا نے مجھے بہت زیادہ متاثر کیا ہے۔

نورا فتیحی نے اپنے مداحوں کو ہدایت دیتے ہوئے کہا کہ براہ کرام آپ لوگ خیال رکھیں ، اپنے ماسک پہنیں کیونکہ  یہ وائرس تیزی سے پھیل رہا ہے اور ہر ایک کو مختلف طریقے سے متاثر کر رہا ہے۔

ان کا کہنا تھا کہ آپ کی صحت سے زیادہ اہم اور کوئی چیز نہیں ہے،لہزا اپنی صحت کا خیال رکھیں اور محفوظ رہیں۔

یاد رہے کہ کچھ روز قبل  نورا فتیحی کی گاڑی بڑے حادثہ کا شکار ہوئی تھی، نورا فتیحی کی گاڑی کو حادثہ اس وقت پیش آیا  تھا جب ان کے ڈرائیور سے گاڑی بے قابو ہوکر ایک آٹو رکشے سے ٹکراگئی تھی لیکن اس وقت نورا فتیحی گاڑی میں موجود نہیں تھیں۔