سونے کی قیمت میں مسلسل کمی

سندھ صرافہ ایسوسی ایشن کے مطابق عالمی مارکیٹ میں قیمت کم ہونے کی باعث پاکستان میں سونے کی فی تولہ قیمت ایک ہزار چار سو پچاس روپے کی کمی سے ایک لاکھ دو ہزار سات سو پچاس روپے رہ گئی۔

دس گرام سونا ایک ہزار دو سو تینتالیس روپے کی کمی سے اٹھاسی ہزار بانوے روپے کا ہو گیاہے جبکہ 22 کیرٹ سونے کی قیمت اسی ہزار سات سو پچاس روپے فی دس گرام ہو گئی ہے۔ عالمی مارکیٹ میں ٹریڈنگ کے دوران سونے کی فی اونس قیمت سترہ ڈالر کی کمی سے 17 سو ڈالر کی سطح سے نیچے آ گئی۔

مارکیٹ میں امریکن بانڈز کی شرح منافع، اور ڈالر کی قدر میں اضافے کے باعث سونے کی قیمت میں کمی دیکھی جا رہی ہے۔