بنگلادیش کا ’ریویو‘ سوشل میڈیا پر مزاق بن گیا

بنگلادیش اور نیوزی لینڈ کی ٹیموں کے درمیان ٹیسٹ سیریز جاری ہے جس کے پہلے ٹیسٹ میچ کے دوران ایک انوکھا واقعہ پیش آیا، جب تسکین احمد کی گیند کیوی بلے باز راس ٹیلر کے بیٹ پر جا لگی لیکن حیرت انگیز طور پر صاف بلے کو چھونے والی گیند پر بنگلادیش کی ٹیم کی جانب سے ریویو لے لیا گیا۔

علاوہ ازیں صاف بلے کو چھونے والی گیند پر پہلے بنگلادیشی کھلاڑیوں نے زبردست اپیل کی جس پر امپائر نے ناٹ آؤٹ کا بھی اشارہ کیا لیکن پھر کھلاڑیوں نے مشورہ کے بعد ریویو لے لیا۔

File this under one of the worst LBW reviews you've probably EVER seen ??‍♂️

Straight onto the middle of Ross Taylor's bat! #NZvBAN pic.twitter.com/AxqrR3czS1

— Cricket on BT Sport (@btsportcricket) January 4, 2022

بنگلادیش کی ٹیم کی جانب سے حیرت انگیز ریویو لینے پر کمنٹیٹر بھی زور زور سے ہنسنے لگے جبکہ سوشل میڈیا صارفین بھی اس ریویو کا خوب مزاق بنارہے ہیں اور اسے تاریخ کا بدترین ’ریویو‘ بھی قرار دیا جارہا ہے۔

واضح رہے کہ بنگلادیش کی ٹیم نیوزی لینڈ میں نیوزی لینڈ کے خلاف اپنی پہلی اننگز میں 458 رنز بناکر نیوزی لینڈ کی سرزمین پر نیوزی لینڈ کے خلاف 4 مرتبہ 400 رنز بنانے  والی دوسری ٹیم بن گئی ہے۔

یہ اعداد و شمار 2010 کے بعد سے اب تک کے ہیں۔ اس دوران آسٹریلیا اور بنگلادیش کے علاوہ کوئی بھی ٹیم نیوزی لینڈ کے خلاف ان کے ہوم گراؤنڈ میں ایک ٹیسٹ اننگ میں 400 رنز نہیں بناسکی ہے۔