پاکستان کی بھارت میں سوشل میڈیا سائیٹس پر مسلم خواتین کو ہراساں اور تحقیر کیے جانے کی شدید مذمت

ترجمان دفتر خارجہ عاصم افتخار احمد کا کہنا ہے کہ  پاکستان بھارت میں انٹر نیٹ اور سوشل میڈیا ساٰئیٹس پر مسلم خواتین کو ہراساں اور تحقیر کیے جانے کی شدید مذمت کرتا ہے،  بھارت میں انٹر نیٹ اور آن لائن ایپلیکیشنز میں مسلم خواتین کی تحقیر اور ہراساں کیے جانے نا قابل قبول سمجھتا ہے۔

 عاصم افتخار احمد نے کہا کہ  یہ ایک ناگوار، نفرت آمیز عمل ہے جس کا مقصد مسلم خواتین کو بے توقیر اور ہراساں کیا جانا ہے، مسلم خواتین کی تحریف شدہ تصاویر کو انٹرنیٹ ایپلیکیشنز پر "برائے فروخت" جیسے اشتعال انگیز کلمات کے ساتھ رکھا جا رہا ہے، ایسی ایپلیکیشنز کے نفرت انگیز مقتدی اپنے اشتعال انگیز کلمات سے 100 سے زائد متاثر کن خواتین کے احترام پر حملہ آور ہو چکے ہیں۔

ترجمان دفترخارجہ  نے مزید کہا کہ  سائبر اسپیس کے زریعہ بھارت میں اقلیتوں کے خلاف نفرت آمیز و پر تشدد حملوں کا یہ نیا سلسلہ شروع ہوا ہے۔