پی سی بی انتظامیہ نے پاکستان سپر لیگ کیلئے کورونا ایس او پیز تیار کرلیے،ذرائع

ذرائع کے مطابق پاکستان کرکٹ بورڈ (پی سی بی )  انتظامیہ نے پاکستان سپر لیگ کیلئے کورونا ایس او پیز تیار کرلیے،  20 رکنی اسکواڈ میں سےمیچ کیلئے 12 فٹ کھلاڑیوں کی ضرورت ہوگی،  اسکواڈ میں 8 کےکووڈ ٹیسٹ مثبت آنے پربھی میچ ممکن ہو سکے گا،  9 کھلاڑیوں کے ٹیسٹ مثبت آنے پر میچ نہیں ہوگا۔

ذرائع کا کہنا ہے کہ  پی ایس ایل کے دوران  ہوٹل کے سیکیور ببل میں 25 سے 30 اضافی کھلاڑی رکھنے کی تجویز دی گئی،  کوئی کھلاڑی کورونا کا شکار ہوا تو اسے 10 دن کیلئے  آئسولیٹ کردیا جائے گا،  کورونا مثبت کھلاڑی کا متبادل سیکیورببل میں موجود کھلاڑیوں سےلیا جائےگا،  کراچی اورلاہورکے درمیان چارٹرڈ فلائٹس میں ایک وقت میں دو ٹیمیں سفرکریں گی،  جمعرات اور جمعہ کو سپلیمنٹری ڈرافٹ میں ہرٹیم مزید دو دو کھلاڑی منتخب کرے گی۔