تیاری رکھنا حساب کتاب کا وقت آن پہنچا ہے،مریم نواز

تفصیلات کے مطابق  وزیراعظم عمران خان کی ٹویٹ پر مسلم لیگ ن کی نائب صدر مریم نواز کا جوابی ٹویٹ ، انہوں نے ٹویٹ میں لکھا کہ  سات سال سے دھونس اور طاقت کے ذریعے کیس کو چلنے کیوں نہیں دیا؟کیوں اتنے سال فرار اختیار کرتے رہے۔ پھر منتیں کرتے رہے کہ رپورٹ ریلیز نہ کی جائے؟ پاگل سمجھ رکھا ہے لوگوں کو جو بولو گے لوگ مان جائیں گے؟ تیاری رکھنا حساب کتاب کا وقت آن پہنچا ہے۔ 

اچھا؟ تو پھر سات سال سے دھونس اور طاقت کے ذریعےکیس کو چلنے کیوں نہیں دیا؟ لیوں اتنے سال فرار اختیار کرتے رہے اور پھر منتیں کرتے رہے کہ رپورٹ ریلیز نا کی جائے؟ پاگل سمجھ رکھا ہے لوگوں کو کہ جو بولو گے لوگ مان جائیں گے؟ تیاری رکھنا، حساب کتاب کا وقت آن پہنچا ہے! انشاءاللّہ! https://t.co/1E2SFvnENI

— Maryam Nawaz Sharif (@MaryamNSharif) January 5, 2022

انہوں نے مزید کہا کہ  ابھی تو رپورٹ سامنے آئی ہے اور آپ کے پول کھل گئے ہیں۔ کس کس سے پیسے وصول کیے ، کہاں کہاں خرچ کیے، ملازموں کے اکاؤنٹس کے ذریعے ہیر پھیر کیا اور واردات انجام دی۔ آپ نہ صرف چوری اور فراڈ کے مرتکب ہوئے بلکہ صادق اور امین جیسے الفاظ کی توہین کے مجرم بھی ہیں۔

قبل ازیں وزیر اعظم عمران خان نے ECP کی جانب سےسمندرپار پاکستانیوں کےعطیات پرمشتمل PTI کی فنڈنگ کی پڑتال کا خیرمقدم کیا تھا،انہوں نے کہا تھا کہ  ہمارےنظمِ مال کو جتنا کھنگالا جائیگا اتنی ہی صراحت سےحقائق واضح ہونگےاور قوم سمجھ سکےگی کہ کیسے PTI ہی وہ واحدسیاسی جماعت ہےجس کا نظمِ مال پولیٹیکل فنڈریزنگ کےاُس مربوط نظام پرمشتمل ہے جس کی بنیادیں باضابطہ ڈونرز پر استوارہیں ۔

وزیراعظم  نے کہا کہ میں ECP کیجانب سےدیگر 2 بڑی جماعتوں ن لیگ اور پی پی کے مالیات کی اسی قسم کی پڑتال کا منتظرہوں ۔ ان کا کہنا تھا کہ اس سے قوم کوباضابطہ پولیٹیکل فنڈریزنگ اور قوم کی قیمت پر نوازشات کےبدلےسرمایہ دار حواریوں ، مفادپرست گروہوں سےمال اینٹھنےکےمابین فرق سمجھنےمیں مدد ملےگی ۔