جنوبی کوریا کی معروف اداکارہ کم می سو 29 سال کی عمر میں انتقال کر گئی

غیر ملکی خبر رساں ادارے کے مطابق جنوبی کوریا کے ڈرامہ سنوڈراپ میں معاون اداکارہ کا کردار ادا کر نے والی اداکارہ کم می سو29 سال کی عمر میں انتقال کر گئی ہیں ۔

غیر ملکی میڈیا کے مطابق ان کی ایجنسی لینڈ اسکیپ انٹرٹینمنٹ نے کورین میڈیا آؤٹ لیٹ کو ایک بیان میں اداکار کی ’اچانک‘ موت کی خبر کی تصدیق کی۔ موت کی وجہ تاحال سامنے نہیں آئی۔

اداکارہ کی ایجنسی نے لوگوں پر زور دیا کہ وہ اداکار کی موت کے بارے میں افواہیں پھیلانے سے گریز کریں۔اس ناگہانی افسوسناک خبر سے سوگوار خاندان اس وقت انتہائی غمزدہ ہے۔

اداکارہ نے  2021 کے ہٹ ڈراموں جیسے نیٹ فلیکس سیریز ہیل باونڈ اور یومیز سیلز(وکی)  میں بھی کام کیا ہے۔