قازقستان میں پرتشدد احتجاج، صدر نے بغیر وارننگ گولی چلانے کا حکم دیا

غیر ملکی خبر رساں ادارے کے مطابق  قازقستان میں پرتشدد احتجاج کے باعث  صدر قاسم جومارت نے بغیر وارننگ گولی چلانے کا حکم دیا ہے۔ قازق صدر قاسم جومارت کا کہنا ہے کہ  پٹرول قیمتوں کے خلاف احتجاج میں اندرونی اور بیرونی تربیت یافتہ دہشتگرد شامل ہیں، ہنگامی حالت کے نفاذ سے دارالحکومت میں حالات قابو میں آ گئے ہیں۔

 قازق صدر نے مزید کہا کہ  دہشتگرداب بھی نجی و سرکاری املاک کو نقصان پہنچا رہے ہیں، فوج بغیر وارننگ گولی چلائے، ملک میں احتجاج کی آڑ میں فوج، انتظامیہ اور سرکاری املاک  پر حملوں کی منصوبہ بندی کی گئی۔

خیال رہے کہ  قازقستان میں پرتشدد احتجاج میں 18 سکیورٹی اہلکار، 26 سویلین مارے جا چکے ہی۔