سب کو انکم ٹیکس اور سیلز ٹیکس دینا پڑے گا، شوکت ترین

وزیر خزانہ شوکت ترین نے تقریب سے خطاب کرتے ہوئے کہنا تھا کہ یہ بہت بڑا مائل اسٹون ہے جو ایف بی آر نے حاصل کیا ہے، صوبوں کے شکرگزار جنہوں اس کو قبول کیا ہے،  اشیاء پر سیلز ٹیکس وفاق اور خدمات پر صوبے ٹیکس لیتے ہیں، اس پر لوگوں کو ٹیکس دینے میں مشکلات تھیں۔ایک کمپنی کو سات مختلف ایجنسیز کے پاس سیلز ٹیکس گوشوارے جمع کرانے پڑتے تھے،  اب ایسی کمپنیوں کو ایک ہی جگہ سیلز ٹیکس گوشوارے جمع کرانے کی سہولت مل گئی ہے۔

شوکت ترین نے کہا کہ ٹیکس میں بہتری کیلئے کام ہورہا ہے یہ اسی سلسلے میں ایک بڑا قدم ہے، ملک میں اگر ٹیکس جمع نہیں ہوگا تو ملک ترقی کیسے کرے گا،  جرمنی کی وزیر خزانہ نے کہا کہ جو ٹیکس نہیں دیتا اس کو ووٹ کا حق نہیں ہے،  اب ہم ٹیکنالوجی کو استعمال کرتے ہوئے ہر ٹیکس گزار تک پہنچیں گے،اگلے چند دنوں یا ہفتوں میں ان کے پاس پہنچیں گے ،  ان کو بتائیں گے کہ ان کی انکم کتنی ہے اور وہ ٹیکس کتنا دیتے ہیں۔ نجی آڈیٹرز بھی ان کو دیں گے کہ وہ اپنا ٹیکس اور انکم کا جائزہ لیں، ہم کسی کو ہراساں نہیں کریں گے کوئی ٹیکس نہیں دے گا تو کاروائی ہوگی۔

وزیر خزانہ کا مزید کہنا تھا کہ کس نے کتنا پیسہ یوٹیلیٹی بلز کتنا سفر پر خرچ کیا ہے سب پتہ ہے،  ریٹیل میں 18 ٹریلین کی سیلز ہیں اس میں سے صرف ہمیں 4 ٹریلین ملتا ہے، 343 ارب روپے کا منی بل میں سے 120 مشینری اور 160 ارب فارما پر ہے۔انہوں نے کہا کہ جو لڑی ٹوٹی تھی اس کو دوبارہ جوڑیں گے، میں اس منصب پر رہا تو سب کو انکم ٹیکس اور سیلز ٹیکس دینا پڑے گا، ادھار لیکر ہم اپنے جاری اخراجات چلارہے ہیں ترقی کیسے ہوگی، ہمارے پاس 15 سے 20 ملین ٹیکس پیئر ہونے چاہیے جو ہمارے پاس نہیں ہے، میں تنخواہ نہیں لیتا عمران خان بھی صاف آدمی ہے، ہم نے صرف ٹیکس بلحاظ جی ڈی پی کو بڑھانا ہے۔