مری جانے والے تمام راستے بند کرنا کا فیصلہ ، شیخ رشید

تفصیلات کے مطابق ملکہ کوہسار میں سیاحوں کے بے پناہ رش کے باعث حکومت نے مری جانے والے تمام راستے بند کرنے کا فیصلہ ‏کیا ہے۔وفاقی وزیر داخلہ شیخ رشید کا کہنا ہے راستے بند کرنےکا ‏فیصلہ مری میں رش کےباعث کیا گیا۔ سیاحوں کومری سےواپسی کے راستے سے لایا جائے گا۔

 وزیر داخلہ شیخ رشید احمد نے مری اورگلیات جانے والے سیاحوں سے اپیل  بھی کردی ، شیخ رشید احمد نے کہا  ہے کہ  برفباری کی وجہ سے اسوقت مری اور گلیات میں سیاحوں کا بے پناہ رش ہے، تقریباً ایک لاکھ سے زائد گاڑیاں اسلام آباد کے راستے مری اور گلیات کی طرف جا چکی ہیں، اسلام آباد اور مری انتظامیہ عوامی سہولت کے لئے 24 کھنٹے سرگرم عمل ہیں۔

وزیر داخلہ کا مزید کہنا تھا کہ  بڑھتے ہوئے عوامی رش کی وجہ سے مری کی جانب ٹریفک کی روانی انتہائی سست ہے،  سیاحوں بلخصوص فیملیز سے اپیل ہے کہ وہ مری اور گلیات کی طرف سفر کرنے سے فی الحال گریز کریں۔