مری  کی صورتحال ، پاک آرمی نے جھیکا گلی اور گھڑیال روڈ کھول دیا: آئی ایس پی آر 

پاک فوج کے شعبہ تعلقات (آئی ایس پی آر) کے مطابق آرمی انجینئرز اور جوانوں نےجھیکاگلی اور گھڑیال روڈ کو کلیئر کردیا یے جبکہ جھیکاگلی اور کولڈنہ شاہراہ کی بحالی کے لئے جدوجہد جاری ہے جلد جھیکاگلی سے کولڈنہ روڈبحال کردی جائےگی۔

آئی ایس پی آر کے مطابق ایف ڈبلیو او کےڈوزر ایکسپریس وےکی بحالی میں مصروف عمل ہیں، مظفرآباد سے بھی ڈوزر امدادی کاموں کیلئےروانہ کردیئےگئے، 111بریگیڈکےجوان بہارہ کہو سے شاہراہ کھولنے میں مصروف ہیں ۔ مری میں پھنسے افراد اے پی ایس اسکول کولڈنہ منتقل کردیے گئے ہیں جبکہ  متاثرین میں کھانا اوردیگرسامان  بھی فراہم کیا جارہاہے ۔ 

آئی ایس پی آر کا کہنا ہے کہ  مری ڈویژن میں ریسکیو کاموں کیلئے کنڑول ڈویژن قائم کردیاگیا ہے ، آرمی اسکول آف لاجسٹکس کولڈنہ سمیت دیگر مقامات پرریسکیوسینٹرزقائم کر دیے گئے ، پھنسے ہوئے افراد کی گاڑیوں کیلئے پٹرول اورڈیزل کی فراہمی جاری ہے ، تمام ریلیف کیمپوں میں ہیٹنگ کےانتظامات بھی کئے گئےہیں۔ جن مقامات پر مشنری نہیں پہنچ سکتی ان مقامات پر فوجی جوان پیدل جاکر راستے بحال کررہےہیں۔  

واضح رہے کہ مری میں شدید برفباری اور ٹریفک کے جام ہونے کے  باعث سیاح شدید مشکلات کا شکار ہیں ۔ سردی کی شدت میں ٹھٹھر کر جاں بحق ہونے والے افراد کی تعداد 21  ہوچکی ہے ۔   پنجاب حکومت نے مری کو آفت زدہ قرار دیتے ہوئے ایمرجنسی نافذ کردی ہے۔

قبل ازیں وزیر داخلہ شیخ رشید احمد کاکہنا تھا کہ گزشتہ رات سے  محنت کے باوجود ہزاروں سیاح مری میں پھنسے ہوئے ہیں اور سیاحوں کو نکالنے کے لیے سے پاک فوج اور رینجرز سے  مدد طلب کر لی گئی ہے۔