کم وقت میں بڑی تعداد میں لوگ مری آئے جس کی وجہ سے مسائل ہوئے:فواد چوہدری

تفصیلات کے مطابق فواد چوہدری کا کہنا تھا کہ 48 گھنٹوں میں لاکھوں لوگ پہنچ جائیں گے تو سنبھالنا مشکل ہوتا ہے، سیاحت کے فروغ سے ہماری مراد یہ نہیں کہ ایک ہی وقت میں سب لوگ آجائیں۔

وزیراطلاعات کا کہنا تھا کہ ایک ہفتے سے انتظامیہ کہہ رہی تھی کہ گاڑیاں لےکر مری نہ آئیں، پھنسی ہوئی گاڑیوں میں زیادہ تر 48گھنٹوں میں مری پہنچی تھیں،اس واقعے سے سیکھ کر آگے منیجمنٹ بہترکرنےکی ضرورت ہے۔

فواد چوہدری کا کہنا تھا کہ انتظامیہ کے لیے مشکل ہوگیا تھا کہ اتنی بڑی تعداد میں سیاحوں کو دیکھتے، صرف مری ہی نہیں تمام بالائی علاقوں میں اس وقت لوگوں کی بڑی تعداد موجود ہے، مری میں صورت حال بہتر ہو رہی ہے، پھنسے لوگوں کو نکالا جارہا ہے۔

ان کا مزید کہنا تھا کہ اس وقت ملک میں لٹ گئے، مرگئے،بربادہوگئےکی صورت حال نہیں، سیاحت کافروغ بری بات نہیں تاہم مری کے واقعےسے سیکھناضروری ہے۔