مری میں پھنسے افراد کو سرکاری ریسٹ ہاؤسزاورہوٹلز میں پہنچا دیا:وزیراعلیٰ پنجاب

سماجی رابطے کی ویب سائٹ ٹوئٹر پر اپنی ٹوئٹ میں انہوں نے بتایا کہ پولیس کے مطابق کل رات تک مری میں 33 ہزار745 گاڑیاں موجود تھیں جن میں سے 33ہزار 373 گاڑیوں کا انخلا ہو چکا جب کہ ایکسپریس وے مکمل طور پرکلیئر ہے۔

مری کےعلاقوں میں پھنسی تمام فیملیز اور شہریوں کو سرکاری ریسٹ ہاؤسز اور ہوٹلوں میں پہنچا دیاگیا ہے اور ادویات، خوراک، گرم کپڑوں سمیت ضروریات پوری کی جا رہی ہیں

پولیس ریکارڈ کےمطابق کل رات تک مری میں داخل ہونےوالی 33,745 گاڑیاں موجود تھیں جن میں سے 33,373 گاڑیوں کا انخلاء ہو چکاہے

— Usman Buzdar (@UsmanAKBuzdar) January 8, 2022

انہوں نے کہا کہ پرانا جی ٹی روڈ پر ٹریفک سست روی کا شکار ہے، راولپنڈی ڈویژن کی تمام انتظامیہ ریسکیو آپریشن میں شریک ہیں۔

ایکسپریس وے مکمل طور پر کلئیر ہے، پرانا جی ٹی روڈ پر بھی ٹریفک سست روی سے رواں ہے اور کلڈنہ سے باڑیاں تک روڈ سے برف اور درخت ہٹانے کا کام جاری ہے

راولپنڈی ڈویژن کی تمام انتظامیہ ریسکیو آپریشن میں موجود ہے

— Usman Buzdar (@UsmanAKBuzdar) January 8, 2022