مری اور گلیات میں مزید برفباری کا امکان

اسلام آباد : محکمہ موسمیات نے مری اور گلیات میں آج دوبارہ برفباری  کا امکان ظاہر کر دیا  ہے ۔

تفصیلات کے  مطابق ڈی جی میٹ ریاض کے مطابق مری اور گلیات میں آج پھر برفباری کا امکان ہے  جبکہ آئندہ تین سے چار روز تک برفباری نہ ہونے کے امکانات ہیں  جبکہ مقبوضہ کشمیر میں برف باری اور بارشوں کے نتیجے میں چناب میں پانی کی سطح بلند ہوگئی۔

واضح رہے کہ مری میں جمعہ اور ہفتہ کی درمیانی شب برفباری ہوئی ، برفباری 3 فٹ تک ریکارڈ کی گئی جس کے باعث شاہرات بند ہو گئیں اور  ہزاروں گاڑیاں شاہرات پر پھنس گئیں  جس کے باعث قریب دو درجن افراد گاڑیوں میں ہی جاں بحق ہو گئے