مری کی تمام اہم شاہرائیں کلیئر کردی گئیں ، آئی ایس پی آر

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق مری میں ہرطرح کی نقل وحمل کے لیے تمام مرکزی شاہرات کھول دی گئی ہیں، کلڈنہ باڑیاں شاہراہ بھی کھول دی گئی ہے۔

ترجمان پاک فوج کے مطابق  مرکزی شاہرات کھولنے کے بعد اب رابطہ سڑکیں کھولنے کا کام جاری ہے، ریلیف کیمپس اور میڈیکل سہولیات پوری طرح سے کام کررہے ہیں۔

آئی ایس پی آر کا کہنا ہے کہ  آرمی ٹرانسپورٹ کے ذریعہ گھرے ہوئے سیاحوں کو راولپنڈی اسلام آباد پہنچایا جارہا ہے۔

خیال رہے کہ  مری میں شدید برفباری اور سیاحوں کے رش کی وجہ سے صورتحال انتہائی خراب ہوگئی تھی اور 20 سے زائد افراد کی گاڑیوں میں اموات کے بعد سیاحتی مقام کو آفت زدہ قرار دے کر ایمرجنسی  نافذ کر دی گئی تھی۔