سانحہ مری، چيف سيکرٹری پنجاب نے انکوائری کميٹی کا نوٹيفيکشن جاری کر ديا

تفصیلات کے مطابق  چيف سيکرٹری پنجاب کامران علی افضل نے انکوائری کميٹی کا نوٹیفکیشن جاری کر ديا ہے۔نوٹیفکیشن کے مطابق  ايڈيشنل چيف سيکرٹری ظفر نصرالله کو انکوائری کميٹی کا کنوينر تعينات کر ديا گيا، انکوائری کے باقی ممبران ميں دو صوبائی سيکرٹری اور ايک ايڈشنل آئی جی بھی شامل ہیں۔

نوٹیفکیشن کے مطابق کمیٹی تحقیق کرے گی کہ  میٹ ڈيپارٹمنٹ کی موسمیاتی وارننگ کے باوجود جوائنٹ ایکشن پلان کیوں نہیں تیار کیا گیا؟ کیا تمام سیاحوں کے لیے ایڈوائزری جاری کی گئی تھی یا کوئی وارننگ دی گئی تھی؟  مری کی ٹریفک کو کو کنٹرول کرنے کے لیے کیا اقدامات کیے گئے؟ ‎ ‎کیا مری میں داخل ہونےوالی گاڑيوں کی تعداد کوگنا گیا،گاڑیاں بڑھ گئی توروکا کیوں نہیں گیا؟ 

کمیٹی تحقیق کرے گی کہ  کیا کرائسس کے لیے پلان ترتیب دیا گیا تھا؟ کیا کوئی کنٹرول روم بنایا گیا تھا؟  کیا لوکل ہوٹلز اور گیسٹ ہاؤسز کے ساتھ ایمرجنسی سے نمٹنے کے لیے رابطہ قائم کيا گیا؟  ‎ ‎ريسکيو آپریشن کتنی حد تک کامیاب رہا ؟کتنی گاڑیوں کو نکالا گیا؟ ‎ ‎اس سارے کرائسس میں کیا کمی اور کوتاہیاں کن کن افسران کی تھی؟ ۔