منی بجٹ منظوری سے روکنے کے لیے پارلیمنٹ میں متحدہ اپوزیشن کا اجلاس طلب

پاکستان مسلم لیگ (ن) کی مرکزی ترجمان مریم اورنگزیب کا کہنا ہے کہ آج پارلیمنٹ میں متحدہ اپوزیشن کا مشترکہ اجلاس منعقد ہو گا جس کی صدارت قومی اسمبلی میں قائد حزب اختلاف شہباز شریف کریں گے۔

مریم اورنگزیب کے مطابق منعقدہ اجلاس میں چیئرمین پیپلزپارٹی بلاول بھٹو زرداری سمیت دیگر جماعتوں کے پارلیمانی قائدین بھی شرکت کریں گے۔

اپوزیشن لیڈرشہباز شریف کی زیر صدارت منعقدہ اجلاس میں فنانس بل اور فارن فنڈنگ کیس سمیت دیگر اہم امور پر مشاورت کی جائے گی۔

مریم اورنگزیب کا مزید کہنا تھا کہ قومی اسمبلی میں منی بجٹ کو منظوری سے روکنے کے لیے حکمت عملی پر بھی غور ہوگا۔