نیویارک : اپارٹمنٹ میں خوفناک آتشزدگی ، 9 بچوں سمیت 19 افراد ہلاک 

غیر ملکی خبررساں ادارے  کے مطابق آگ برونکس کے علاقے میں 19 منزلہ عمارت کی تیسری منزل پر لگی، حادثے میں ہلاک ہونیوالوں میں 9 بچے بھی شامل ہیں۔ نیویارک میئر ایرک ایڈمزکے مطابق زخمی   32 افراد کو اسپتال منتقل کیا گیا ہے جن میں سے13  کی حالت تشویشناک بتائی جارہی  ہے۔

حکام کے مطابق  آگ  نے دو منزلوں کو نقصان پہنچایا  تاہم  دھوئیں نے پوری عمارت کو اپنی لپیٹ میں لے لیا  کیونکہ جس حصہ  میں آگ لگی تھی اس کا دروازہ کھلا چھوڑ دیا گیا تھا  جس کی وجہ سے  دھواں ہر منزل تک پھیل گیا ۔

حکام کا کہنا ہے کہ گ بجھانے کے عمل میں 200 فائر فائٹرز نے حصہ لیا ۔

نیویارک گورنر نے حادثے  پر افسوس کا اظہار کرتے ہوئے لواحقین کی مدد  کیلئے امداد کا بھی  اعلان کیا ہے ۔

خیال رہے کہ چند روز  قبل بھی  فلاڈیلفیا میں بھی  ایک اپارٹمنٹ میں آگ لگنے  سے آٹھ بچوں سمیت 12 افراد ہلاک ہو گئے تھے۔

واضح رہے کہ برونکس کے جس علاقے میں آگ لگی ہے وہاں  بڑی تعداد میں مسلمان تارکین وطن آباد ہیں اور یہ خیال کیا جاتا ہے کہ آگ سے متاثر ہونے والے بہت سے لوگ گیمبیا سے امریکہ آئے تھے۔