بالی وڈ اداکار ، پروڈیوسر رمیش بابو انتقال کرگئے 

بھارتی میڈیا رپورٹس کے مطابق بالی ووڈ  اداکار ، پروڈیوسر رمیش بابو کافی عرصے سے جگر کے عارضے میں مبتلا تھے تاہم 8 جنوری کو طبیعت زیادہ  خراب ہونے پر حیدرآباد کے  مقامی اسپتال منتقل کیا گیا لیکن وہ جانبر نہیں ہوسکے ۔

رمیش بابو نے  12سال کی عمر میں اداکاری کا آغاز کیا اور بطور اداکار 15 سے زیادہ تیلگو فلموں میں کام کیا ہے جس میں بازار راؤڈی، اور دیگر شامل ہیں ۔ انہوں نے  1997 میں اداکاری کی دنیا کو چھوڑکر پروڈیوسر بن گئے تھے ۔

رمیش بابو سینیئر تیلگو اداکار کرشنا کے صاحبزادے اور سپر اسٹار مہیش بابو کے بڑے بھائی تھے۔

خیال رہے کہ اداکار  مہیش بابو بھی کورونا کا شکار ہیں جس کےبعد انہوں نے خود کو گھر میں قرنطینہ کیا ہوا ہے۔