کورونا کا پھیلاؤ ،چین کے ایک اور شہر میں لاک ڈاؤن

چینی میڈیا کے مطابق صوبے  ہینان کے شہر این یانگ میں لوگوں کو گھروں سے نہ نکلنے کی ہدایت کی گئی ہے۔ چین کے صحت حکام کا کہنا ہے  کہ چین میں آج کورونا کے 110 نئے کیسز رپورٹ ہوئے ہیں۔

خیال رہے کہ گزشتہ  ہفتے چین کے  یوژہو شہر اور تین ہفتے پہلے ژیان شہر میں بھی لاک ڈاؤن لگایا گیا تھا۔

اس تمام صورتحال میں بیجنگ میں  ہونے والے ونٹر گیمز کو  بھی خطرے میں ڈال دیا ہے جہاں کورونا  سے بچاؤ کیلئے تما م حفاظتی اقدامات کیے جارہے ہیں ۔ 

خبر ایجنسی کے مطابق ہانگ کانگ میں اومی کرون پھیلاؤ روکنے کے لیے پرائمری اسکول فروری تک بند کردیئے گئے ہیں ۔  جاپان نے بھی  رواں ماہ کے آخر تک سرحدی پالیساں  سخت کرنے کا عندیہ دے دیا ہے ۔ جاپان کی جانب سے اومی کرون ویرینٹ سے بچاؤ کیلئے وسیع پیمانے پر ویکسی نیشن کروانے کابھی اعلان کیا گیا ہے ۔  ماہرین صحت کا کہنا ہے کہ ویکسین  ان تمام ویرینٹ سے نمٹنے کیلئے سب سے کارآمدذریعہ  ہے ۔