لالیاں:ایف آئی اے کی کاروائی،نجی بینک کے سابق مینجر و آپریشن منیجر گرفتار

تفصیلات کے مطابق   بینک ملازمین نے شہری کے اکاؤنٹ سے غیرقانونی طور پر3کروڑ روپے سے زائد رقم منتقل کی ،شہری حماد رضا کی مدعیت میں ایف آئی اے فیصل آباد نے مقدمہ درج کرکے تحقیقات شروع کردیں۔

درخواست گزار کا موقف ہے کہ  بینک مینجر خرم شہزاد،عبدالجبار اور ارشاد حسین نے جعلسازی سے چیک بک بھی نکلوائی، مذکورہ ملزمان مختلف پارٹیوں کو اکاؤنٹ کے ذریعے رقم منتقل کرتے رہے ہیں۔ ایف آئی اے ٹیم نے دو ملزمان خرم شہزاد سابق بینک مینجر،سابق آپریشن مینجر عبدالجبار کو گرفتار کر لیا  ہے۔

ایف آئی اے حکام کا کہنا ہے کہ  ملزمان کے خلاف  جاری تحقیقات  میں اہم انکشافات متوقع ہے۔