ای الیون سیکٹر میں لڑکی اور لڑکے پر تشدد کے کیس میں نیا موڑ آ گیا

تفصیلات کے مطابق  اسلام آباد کے ای الیون سیکٹر میں لڑکی اور لڑکے پر تشدد کے کیس میں نیا موڑ آ گیا۔ ڈسٹرکٹ اینڈ سیشن کورٹ میں کسی کی سماعت کے دوران متاثرہ لڑکی نے بیان دیا کہ اس نے کسی ملزم کو شناخت کیا اور نہ ہی کسی پیپر پر دستخط کیے۔ پولیس نے سارا معاملہ خود بنایا ہے۔

متاثرہ لڑکی کا کہنا ہے کہ  متاثرہ لڑکی سدرہ کی جانب سے عدالت میں اشٹام پیپر دیدیا گیا، پولیس والے مختلف اوقات میں سادہ کاغذوں پر میرے سے دستخط اور انگوٹھے لگواتے رہے،  میں کسی بھی ملزم کو نہیں جانتی اور نہ کیس کی پیروی کرنا چاہتی ہوں۔

متاثرہ لڑکی نے بیان میں کہا ہے کہ  میں نے کسی کو بھی تاوان کی رقم ادا نہیں کی،  ملزم ریحان سمیت دیگر ملزمان کو مجھے تھانہ میں دکھایا گیا تھا، ریحان سمیت کسی بھی ملزم نے زیادتی کی کوشش نہیں کی، میں ریحان کو نہیں جانتی اور نہ ہی وہ ویڈیو بنا رہا تھا۔