امریکا کا افغانستان کیلئے 30 کروڑ 80 لاکھ ڈالر امداد کا اعلان

غیر ملکی خبر رساں ادارےکے مطابق بائیڈن انتطامیہ افغانستان کو 308 ملین ڈالر انسانی امداد دے گی۔

رپورٹ کے مطابق امداد فلاحی تنظیموں کے زریعے تقسیم کی جائے گی جب کہ امریکہ افغانستان کو کورونا ویکسین کی 10 لاکھ خوراکیں بھی فراہم کرے گا۔

گزشتہ دنوں  نائب  افغان وزیراعظم ملا عبدالغنی برادر نے افغانستان کی صورت حال کو سنگین قرار دیتے ہوئے عالمی برادری سے  امداد کی اپیل کی تھی۔

ملا برادر کا کہنا تھا کہ افغانوں کے پاس کھانے کے لیے خوراک، پہننے کے لیے کپڑے اور رہنے کے لیے چھت نہیں، افغانستان کی صورت حال سنگین ہیں۔

انہوں نے کہا تھا کہ عالمی برادری افغانستان کی مدد کرے، طالبان عالمی برادری کی امداد افغانوں تک پہنچانے کے لیے تعاون کرنے کے لیے تیار ہیں۔