محکمہ موسمیات  کی بارشوں سے متعلق اہم پیشگوئی 

محکمہ موسمیات کے مطا بق  ہلکی سے درمیانی بارشوں کا سلسلہ ملک کے مغربی اور بالائی علاقوں میں منگل کے روز داخل ہو گا اور جمعرات تک بالائی علاقوں میں موجود رہے گا،  منگل اور بدھ کے دوران کوئٹہ،  ژوب ، قلعہ عبداللہ، کوہلو اور بارکھان میں بارش اور برفباری کی پیشگوئی ہے، منگل سے جمعرات کی صبح تک کشمیر،  گلگت بلتستان،  اسلام آباد ، چترال، دیر، کالام سوات، مالم جبہ میں ہلکی سے درمیانی بارش اور پہاڑوں پر برفباری کا امکان ہے،  کوہستان،  شانگلہ، بونیر، مانسہرہ، ایبٹ آباد، ہری پور، صوابی، مردان ، نوشہرہ، پشاور، چارسدہ، باجوڑ، کرم، وزیرستان کوہاٹ اور بنوں میں بھی ہلکی سے درمیانی درجہ کی بارش اور پہاڑوں پر برفباری متوقع ہے ۔

 محکمہ موسمیات کا کہنا ہے کہ  ڈی آئی خان، راولپنڈی، چکوال، اٹک، جہلم، منڈی بہاؤالدین، سرگودھا، خوشاب، میانوالی، حافظ آباد، گوجرانوالہ، گجرات، سیالکوٹ، نارووال، لاہور اور قصور میں ہلکی سے درمیانی بارش متوقع ہے، منگل رات سے جمعرات کے دوران مری ، گلیات، نتھیاگلی، کاغان، ناران، چترال، دیر ،سوات ، کوہستان، استور، ہنزہ، گلگت، وادی نیلم، باغ اور حویلی کے اضلاع میں ہلکی سے درمیانی برفباری کا امکان ہے۔