مری میں سیاحوں کے داخلے پر پابندی ختم ، رونقیں بحال

ذرائع کے مطابق مری کے انٹری پوائینٹس،سترہ میل ٹول پلازہ،ایکسپریس وے،پھلگراں ٹول پلازہ،لوہرٹوپہ،باڑ ہاں،اپر جھکاگلی روڈ پر پنجاب پولیس،سٹی ٹریفک پولیس اور موٹروے پولیس کے افسران و اہلکار موجود ہیں۔ پہلے روز سیاحوں کی کم تعداد مری میں سیاحت کے لئے آئی ہے۔

مری میں ان انٹری پوائینٹ پر گاڑیوں کی چیکنگ کا عمل جاری ہےجبکہ مین انٹری پوائینٹ سے سیاحوں کی گاڑیوں کا  ان آوٹ  کا ریکارڈ بھی بنایا جارہا ہے ۔

کمشنر راولپنڈی نے مری میں سیاحوں کے داخلے سے متعلق شرائط واضح کردی ہیں اور اس حوالے سے نوٹی فکیشن بھی جاری کردیا ہے۔

ضلعی انتظامیہ کی جانب سے جاری کردہ نوٹی فکیشن کے مطابق مری میں اب سے روزانہ صرف 8 ہزار گاڑیوں کو داخلے کی اجازت ہوگی

اس کے علاوہ مری میں شام 5 بجے سے صبح 5 بجے تک سیاحوں کے داخلے پر پابندی ہو گی۔