اسلام آباد: دہشت گردوں کی پولیس اہلکاروں پر فائرنگ، 1 اہلکار شہید، 2دہشت گردہلاک

تفصیلات کے مطابق  ترجمان اسلام آباد پولیس کا کہنا ہے کہ تھانہ کراچی کمپنی کے علاقہ میں دہشت گردوں  نے  پولیس اہلکاروں پر فائرنگ کردی،  پولیس اہلکار ناکہ جیلانیہ پر معمول کی چیکنگ پر مامور تھے۔

اسلام آباد پولیس کا ایک اور سپوت وطن کی مٹی پر قربان ہو گیا۔

آئی جی اسلام آباد محمد احسن یونس نے سینئر افسران کے ہمراہ کراچی کمپنی میں ہونے والی دہشت گردی کی جائے وقوعہ کا دورہ کیا، افسران کو مناسب ہدایات جاری کیں۔#IslamabadPolice pic.twitter.com/ZCBVyGyeZt

— Islamabad Police (@ICT_Police) January 17, 2022

ترجمان اسلام آباد پولیس کے مطابق  دوران چیکنگ موٹرسائیکل پر سوار دو دہشت گردوں نے اچانک اندھا دھند فائرنگ کردی،  فائرنگ سے ایک پولیس اہلکار شہید ہوگئے، پولیس اہلکاروں نے دلیری سے مقابلہ کیا اور دو دہشت گردوں کو جہنم واصل کردیا۔آئی جی اسلام آباد محمد احسن یونس اور سینئر افسران موقع پر پہنچ گئے ہیں۔