سعودی عرب نے پاکستان سمیت غیر ممالک سے آنیوالے افراد کیلئے قرنطینہ لازم قرار دیدیا

غیر ملکی خبر رساں ادارے کے مطابق  کورونا کی نئی قسم  امیکرون کی  بڑھتے کیسز کے باعث  سعودی عرب نے غیر ملکی شہریوں کیلئے مزید سخت اقدامات شروع کردئیے ہیں ۔ پاکستان سمیت غیر ممالک سے آنے والے افراد کیلئے قرنطینہ لازم قرار دیدیا گیا ہے، سعودی جنرل اتھارٹی آف سول ایوی ایشن نے ہدایت نامہ جاری کردیا۔سعودی عرب آمد سے قبل قرنطینہ میں مسافر کی بکنگ لازم قرار دی گئی ہے۔

نوٹیفکیشن میں کہا گیا ہے کہ   جو بھی غیر ملکی سعودی عرب آئے اسکو قرنطینہ کی لازمی بکنگ دکھانا ہوگی ،  قرنطینہ بکنگ کے بغیر مسافر سعودی عرب لانے پر ائیرلائن کو جرمانہ ہوگا ، مسافروں پر سعودی حکومت سے منظور شدہ لیبارٹریز سے کورونا ٹیسٹ کرانا بھی لازم ہوگا ۔