12 سال سے زائد عمر کے طلبہ کی کورونا ویکسینیشن لازمی قرار دینے کا فیصلہ

تفصیلات کے مطابق ملک بھر میں کورونا کا پھیلاو روکنے کیلئے اہم فیصلے کیے گئے ہیں ،نیشنل انسٹیٹیوٹ آف ہیلتھ اسلام آباد ذرائع کا کہنا ہے کہ آئندہ دو ہفتوں میں ملک بھر کے تعلیمی اداروں میں  کورونا ٹیسٹنگ شروع کی جائے گی۔اس دوران  بارہ سال سے زائد عمر کے تمام طالب علموں کی ویکسینیشن کو یقینی بنایا جائے گا۔

ذرائع کے مطابق 12 سال سے زائد عمر کے طلبہ کی کورونا ویکسینیشن لازمی ہوگی، جس کا آغاز یکم فروری سے ہوگا۔ کورونا ٹیسٹنگ میں زیادہ شرح والے تعلیمی ادارے ایک ہفتہ بند رکھے جائیں گے۔

ذرائع کا کہنا ہے کہ  تمام تعلیمی اداروں میں 100فیصد طلبہ کی ویکسینیشن یقینی بنائی جائے گی اور ویکسینیشن  سے استشنی کیلئے طلبہ کو میڈیکل سرٹیفکیٹ دکھانا ہوگا ، جو طلبہ ویکسینیشن  نہیں کروائیں گے  وہ تعلیمی سہولتوں سے محروم رہیں گے۔