مریم نواز کی باتوں پر اب ان کے بچے بھی ہنستے ہیں:فواد چوہدری

تفصیلات کے مطابق وفاقی وزیر اطلاعات فواد چوہدری نے وزیر توانائی حماد اظہر کے ہمراہ پریس کانفرنس کرتے ہوئے کہا ہے کہ اسٹیٹ بینک کابل سینیٹ سے بھی جلد پاس کروا لیں گے۔

انہوں نے کہا ہےکہ 2 بلین ڈالرز سے زائد کی ویکسین امپورٹ کرکے شہریوں کو لگائی،کورونا کیسز کی یومیہ تعداد 5 ہزار پر پہنچ گئی ہے ، اومیکرون کےسب سے زیادہ کیسزکراچی میں ہیں۔

فواد چوہدری کا کہنا تھا کہ زیادہ ترعلاقوں میں کسانوں کویوریا کھاد مل رہی ہے،ویکسین کروانے والوں پراومیکرون کا اثرکم ہورہا ہے ، سندھ ویکسینیشن کے حوالے سے سب سے پیچھے ہے۔

دوسری جانب وفاقی وزیر توانائی حماد اظہرکا کہنا تھا کہ گزشتہ دور میں لگائے گئے 60 فیصد پلانٹس امپورٹڈ ایندھن پر چل رہے ہیں، حکومت نے اسٹیٹ بینک کی خود مختاری کو تحفظ دیا، گورنر اسٹیٹ بینک کی تعیناتی کا اختیار وفاقی حکومت کے پاس ہی رہے گا۔

ان کا کہنا تھا کہ بورڈ ارکان کے تقرر کا اختیار وفاقی حکومت کے پاس ہے، اسٹیٹ بینک کے تمام اثاثہ جات وفاقی حکومت کی ملکیت رہیں گے، یورپ میں اسٹیٹ بینک جتنا آزاد ہے پاکستان میں نہیں، اسٹیٹ بینک دنیا کے دیگر مرکزی بینکوں کی نسبت زیادہ خود مختار ہے۔

حماد اظہر کا کہنا تھا کہ ن لیگ نے بھی 2015 میں اسٹیٹ بینک کی آزادی کابل منظورکیا تھا، ن لیگ اسٹیٹ بینک بل کے نام پر سیاسی دکان چمکا رہی ہے، ن لیگ والے ہر ایشو پرعوام کو گمراہ کرنے کی کوشش کرتے ہیں، عالمی منڈی میں اضافے کی وجہ سے پاکستان میں بھی قیمتیں بڑھیں۔

وفاقی وزیر توانائی کا کہنا تھا کہ اسٹیٹ بینک بورڈ کا تعین وفاقی حکومت کرتی ہے،اسٹیٹ بینک جتنا آزاد ہوگا افراط زر میں بھی اتنی کمی ہوگی، ماضی میں گورنر کو فون کر کے مرضی کے ایکس چینج ریٹ رکھوائے گئے، مصنوعی گروتھ کیلئے نوٹ چھاپے گئے۔