پٹرولیم مصنوعات پر سیلز ٹیکس کا نوٹیفکیشن جاری

تفصیلات کے مطابق  پٹرولیم مصنوعات پر سیلز ٹیکس کا نوٹیفکیشن جاری کردیا گیا۔نوٹیفکیشن کے مطابق  پٹرول پر سیلز ٹیکس کی شرح  2.5 فیصد عائد کردی گئی ہے، ڈیزل پر سیلز ٹیکس 5.44 فیصد عائد کیا گیا، مٹی کے تیل پر سیلز ٹیکس کی شرح 8.3 فیصد عائد کی گئی ہے۔لائٹ ڈیزل پر سیلز ٹیکس کی شرح 2.7 فیصد کردی گئی۔نوٹیفکیشن  کے مطابق پٹرولیم مصنوعات کی قیمتیں 31 جنوری تک مستحکم رہیں گی۔

چند روز قبل   حکومت نے آئندہ 15 روز کیلئے پیٹرولیم مصنوعات کی قیمتوں 3 روپے 33 پیسے فی لیٹر کا اضافہ کیا تھا، وزارت خزانہ کے مطابق پیٹرول کی قیمت میں 3 روپے ایک پیسے فی لیٹر کا اضافہ کیا گیا تھا جس کے بعد نئی قیمت 147 روپے 83 پیسے فی لیٹر  مقرر کی گئی تھی۔  ہائی اسپیڈ ڈیزل کی قیمت 3 روپے اضافے کے بعد 144 روپے 62 پیسے مقرر  ہوگئی تھی جبکہ مٹی کے تیل کی قیمت میں 3 روپے  اضافے کے بعد 116 روپے 48 پیسے ہوگئی تھی۔ لائٹ ڈیزل آئل کی قیمت میں 3 روپے 33 پیسے فی لیٹر  اضافے کے بعد  نئی قیمت 114 روپے 54 پیسے فی لیٹر مقرر   کردی گئی تھی۔