معروف دانشور ،شاعرجمیل الدین عالی کا 97 واں یوم پیدائش

جمیل الدین عالی20 جنوری 1925 کودہلی میں  نواب امیرالدین کے گھر ہوئے ۔ انھوں نے دہلی سے اکنامکس میں بی اے کی ڈگری حاصل کی  اور بعد میں وزارتِ کامرس میں اسسٹنٹ کے طور پر  اپنی خدمات سرانجام دیں   ۔برصغیر  کی تقسیم کے بعد جمیل الدین عالی نے اپنے خاندان کے ساتھ ہجرت   کی اور پاکستان آگئے ۔  یہاں سول سروس میں شمولیت اختیار کی اور ایف ای ایل اور ایل ایل بی کی ڈگری کراچی یونیورسٹی سے حاصل کی ۔

1966 میں   نیشنل بینک  سے وابستہ ہوئے اور  یہاں سے نائب صدر کے عہدے سے ریٹائرڈ ہوئے ۔ اسی دوران آپ  نیشنل بینک کے مشیر کے علاوہ وزیرِ مالیات غلام اسحاق خان کے ساتھ بھی منسلک رہے۔

جمیل الدین عالی  کا شمار  ادب  کی دنیا میں    پاکستان کے مایہ ناز شاعروں میں ہوتا ہے ۔ آپ نہ صرف شاعر بلکہ  بہترین کالم نگار،ادیب اور دانشور بھی تھے ۔

انہوں نے کئی  غز لیں اور گیت لکھے جو دل کو چھولینے والے تھے ۔اس کے علاوہ انہوں نے ملی نغمے جیوے جیوے پاکستان سے جو شہرت حاصل کی وہ بہت ہی کم لوگوں کے حصے میں آتی ہے ۔ آپ نے 6 شعری مجموعے اور 4 سفر نامے تحریر کیے۔

ان کی خدمات کے صلے میں انہیں  1991  میں پرائڈآف پرفارمنس اور 2004 میں تمغہ امتیاز سے نوازا گیا۔اردو ادب کا یہ روشن ستارہ  23 نومبر 2015 کو اس دنیاکو ہمیشہ کے لیے خیر باد کہہ گیا ۔