عمر گل لیجنڈری کھلاڑیوں کے ساتھ کرکٹ میں واپسی پر بے حد خوش

عمر گل آج سے عمان میں شروع ہونے والی لیجنڈز لیگ  کا حصہ ہیں۔ لیگ میں پاکستان  کے سابق  لیجنڈری کھلاڑیوں سمیت دنیائے کرکٹ کے نامور کھلاڑی بھی ایکشن میں نظر آئیں گے۔

سماجی رابطے کی ویب سائٹ ٹوئٹر پر عمر گل نے  سابق کھلاڑیوں کے ہمراہ دو تصاویر شیئر کرتے ہوئے لیجنڈ لیگ میں واپسی پر خوشی کا اظہار کیا  ہے۔

Reliving the old memories with the best in the game! Good to see them and playing again with them. @llct20 pic.twitter.com/LFjGM2w2IK

— Umar Gul (@mdk_gul) January 20, 2022

تصویر میں عمر گل کے ہمراہ قومی ٹیم کے سابق آل راؤنڈر  کھلاڑی  اظہر محمود ،  سابق وکٹ کیپر بیٹسمین  کامران اکمل ، سابق کپتان  محمد یوسف ،  سابق سری لنکن کپتان  تلکارتنے دلشان، سری لنکن بولر  نوان کلاسیکرا اور  لیجنڈ سری لنکن  کرکٹر مرلی دھرن سمیت  دیگر کو دیکھا جاسکتا ہے۔

عمر گل نے شیئر کی گئی تصاویر کے ساتھ لکھاکہ  ’گیم میں بہترین کرکٹرز کے ساتھ پرانی یادوں کو زندہ کرنا،  اور ان کے ساتھ دوبارہ کھیل کر اچھا لگا۔

شائقین 3 ٹیموں کے ٹورنامنٹ میں شاہد آفریدی، شعیب اختر، محمد حفیظ، یونس خان، وریندرسہواگ، یوراج سنگھ، جونٹی رہوڈز اور بریٹ لی کو کھیلتا دیکھیں گے۔