غیرملکی میڈیا کے مطابق  الجزائر کے وزیر داخلہ کامل بلجود نےبتایا ہے کہ ملک کی دو ریاستوں طارف اور سطیف میں خوفناک آگ بھڑک اٹھی جس  کے نتیجے میں ہلاکتوں کی تعداد 26 ہوگئی ہے ، مرنےوالوں میں ایک ماں اور بیٹی بھی شامل ہیں  جبکہ درجنوں افراد زخمی ہوئے ہیں۔

سرکاری ٹی وی پر نشر ایک بیان میں ملک کے وزیرداخلہ  نے آتشزدگی کے متاثرین کے اہل خانہ سے تعزیت کی ، ان کاکہنا تھا کہ طارف میں 24  افراد ہلاک  جبکہ سطیف میں دو لوگ مارے گئے۔

وزیر داخلہ نے کہا کہ شہری دفاع کے 700 سے زائد کارکن اور درجنوں ٹرک آگ بجھانے کے لیے کارروائیاں جاری رکھے ہوئے ہیں۔ آگ سے درجنوں مکانات اور گاؤں آگ کی لپیٹ میں آگئے جبکہ سینکڑوں افراد نقل مکانی پر مجبور ہیں ۔

 وزیرداخلہ نے مزید کہا کہ ہم آگ پر قابو پانے کی کوشش کر رہے ہیں ,  تاہم ان کا کہنا تھا کہ زیادہ درجہ حرارت اور ہوائیں ریسکیو آپریشن میں رکاوٹ بن رہی ہیں ، ریاست کے تمام وسائل آگ پر قابو پانے کے لیے استعمال کیے جا رہے ہیں۔

چیف الیکشن کمشنر کی زیر صدارت 5 رکنی بینچ نے توشہ خانہ ریفرنس میں عمران خان کی نااہلی کی درخواست پر سماعت کی۔

سماعت کے دوران محسن شاہنواز رانجھا اور علی گوہر الیکشن کمیشن میں پیش ہوئے جبکہ عمران خان کی جانب سے معاون وکیل الیکشن کمیشن میں پیش ہوئے۔

سماعت کے دوران معاون وکیل بیرسٹر گوہر نے کہا کہ عمران خان رکن قومی اسمبلی نہیں ہیں۔

چیف الیکشن کمشنر نے کہا کہ الیکشن کمیشن کے کاغذات میں عمران خان ابھی بھی رکن قومی اسمبلی ہیں اور ریکارڈ پر بھی کہا جاتا ہے کہ الیکشن کمیشن استعفے منظور نہیں کر رہا لیکن الیکشن کمیشن کو جتنے استعفے موصول ہوئے ہم نے منظور کر لیے ہیں۔

چیف الیکشن کمشنر نے ریمارکس دیتے ہوئے کہا کہ تقاریر کے لیے میڈیا پر جائیں یہاں قانون پر بات کریں، ہم نے 30 روز کے اندر اس کیس کا فیصلہ کرنا ہے۔

الیکشن کمیشن کی جانب سے عمران خان کے وکیل کو ریکارڈ فراہم کرنے کا حکم دیتے ہوئے کیس کی سماعت 22 اگست تک ملتوی کردی گئی ۔

وفاقی وزیر شیری رحمان نے میڈیا سے گفتگو کرتے ہوئے کہا کہ رواں ماہ پی ٹی آئی نے امریکی کمپنی فینٹن آرلُک سے معاہدے کیا اور  پی ٹی آئی کی سابق سی آئی اے اہلکار کی کمپنی کے ساتھ معاہدوں کی تفصیلات بھی سامنے آئی ہیں۔

انہوں نے کہا کہ مئی 2021 میں امریکی کمپنی کے ساتھ عمران خان کے سابق معاون خصوصی نے معاہدہ کیا اور پی ٹی آئی کے لیے مارچ 2022 کا معاہدہ سابق سفیر اسد مجید نے کیا۔

شیری رحمان نے کہا کہ 7 مارچ کو خط موصول ہونے کے باوجود پی ٹی آئی 22 مارچ کو سابق سی آئی اے کی کمپنی کے ساتھ معاہدہ کر رہی تھی۔ عمران خان نے امریکہ میں اپنا اچھا امیج بنانے کے لیے لابنگ فرم کے ساتھ معاہدے کیا۔

انہوں نے کہا کہ اگر امریکی حکومت نے دھمکی آمیز پیغام بھیجا تھا تو پی ٹی آئی کو وہاں اپنی تشہیر کی ضرورت کیوں پڑی؟ اور بیرونی سازش کا بیانیہ بنانے کے لیے عمران خان نے پاکستان کے مفادات اور خارجہ تعلقات داؤ پر لگا دیئے۔