دوسروں کو چور کہنے والا آج خود انٹرنیشنل چور نکلا: شاہد خاقان عباسی

تفصیلات کے مطابق مسلم لیگ ن کے رہنما شاہد خاقان عباسی کا کہنا تھا کہ عمران خان دنیا کے کرپٹ ترین حکمران بن چکے، پاکستان میں کرپشن اور مہنگائی ریکارڈ سطح پر پہنچ چکی، حکومتی کرپشن کی وجہ سے ہی عوام تکلیف میں ہیں۔

ان کا کہنا تھا کہ کہتے ہیں آفس میں بیٹھ کر تماشے دیکھتا ہوں، آپ حکمران ہیں، تماشے نہ دیکھیں، کارروائی کریں، آپ کا کام مہنگائی اور کرپشن ختم کرنا ہے، دھمکی پاکستان کےعوام کو دی جا رہی ہے۔

شاہد خاقان عباسی کا کہنا تھا کہ کرپشن اور مہنگائی ریکارڈ سطح پر پہنچ گئی، صادق اور امین سب سے زیادہ کرپٹ نکلے، کرپشن میں اضافے کے بہت سے پہلو ہیں، پاکستان میں پی ٹی آئی کی 3 حکومتیں ہیں، ملک میں ان 3 حکومتوں کی وجہ سے کرپشن ہے، ملک میں مہنگائی کرپشن کی وجہ سے ہے۔

ان کا مزید کہنا تھا کہ حکومتی کرپشن نے 152 ویں پوزیشن حاصل کی، جب حکومت چھوڑی تو پاکستان 117 ویں نمبر پر تھا، ایک سال میں ہم 140 ویں نمبر پر پہنچ گئے۔