شہریوں کے لیے خوشخبری،سری لنکا نے پاکستان سمیت 40ممالک کے لیے ویزافیس ختم کر دی

کولمبو: سری لنکا نے سیاحوں کو خوشخبری سناتے ہوئے پاکستان سمیت دیگر 40 ممالک کے لئے ویزا فیس ختم کر دی۔

تفصیلات کے مطابق سری لنکا کے خوبصورت گھنے جنگلات، ساحلی پٹیوں اور دیگر جگہوں کو دیکھنے کے خواہش مند افراد اب بغیر ویزا فیس کے ان جگہوں کی سیر کر سکتے ہیں۔

غیر ملکی میڈیا رپورٹ کے مطابق سری لنکا کی جانب سے جن ممالک کے لیے ویزا فیس ختم کی گئی ہے ان میں پاکستان کے علاوہ ختم کی گئی ہے ان میں سعودی عرب، متحدہ عرب امارات، امریکہ، برطانیہ، آسٹریلیا، کینیڈا، جرمنی، نیدر لینڈز، بیلجیئم، نیپال اور چین شامل ہیں۔

اس حوالے سے سری لنکا کے وزیر سیاحت وجیتھا ہیراتھ کا کہنا تھا کہ ہم دنیا کو یہ پیغام دینا چاہتے ہیں کہ سری لنکا دنیا بھر سے آنے والے سیاحوں کو خوش آمدید کہنے کو تیار ہے۔

 انہوں نے کہا کہ اس اقدام کا مقصد زیادہ سے زیادہ سیاحوں کو راغب کرنا، دفتری رکاوٹوں کو کم کرنا، اور یہ پیغام دینا ہے کہ سری لنکا سیاحت کے لیے کھلا ہے۔

 انہوں نے کہا کہ اس اقدام سے سالانہ 66 ملین ڈالر کا ممکنہ نقصان ضرور ہوگا، پالیسی سازوں کو یقین ہے کہ سیاحوں کی بڑی تعداد کی آمد سے یہ کمی پوری ہو جائے گی۔