کورکمانڈر کانفرنس: شرکا کا مادر وطن کے دفاع میں جانیں قربان کرنے والے شہدا  کو خراج عقیدت

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق آرمی چیف کی زیر صدارت 247ویں کورکمانڈرزکانفرنس ہوئی، کانفرنس کے شرکا نے مادر وطن کے دفاع میں جانیں قربان کرنے والے شہدا  کو خراج عقیدت پیش کیا، کانفرنس میں ملکی سکیو رٹی صورتحال پر تفصیلی بریفنگ دی گئی۔

آئی ایس پی آر کے مطابق  اجلاس کو بلوچستان میں حالیہ پیش آنیوالے واقعات پر بھی تفصیلی طور پر آگاہ کیا گیا،  کانفرنس کے شرکا نے ملک میں عدم استحکام کی کوششوں کو ناکام بنانے کیلئے اقدامات کو سراہا،  کانفرنس کے شرکا نے ملکی دفاع کیلئے جانوں کی قربانی دینے والوں کو خراج عقیدت پیش کیا۔

ترجمان پاک فوج کا کہنا ہے کہ آرمی چیف جنرل قمر جاوید باجوہ نے مسلح افواج کی پیشہ وارانہ تیاریوں پر اطمینان کا اظہارکیا، آرمی چیف جنرل قمر جاوید باجوہ نے فارمیشن کی آپریشنل  تیاریوں پربھی اطمینان کااظہار کیا۔

آئی ایس پی آر کے مطابق فورم کو دشمن کی سازشوں کو ناکام بنانے کے لیے اٹھائے گئے اقدامات سے آگاہ کیا گیا۔ آرمی چیف جنرل قمرجاویدباجوہ نےآپریشن تیاریوں پراظہاراطمینان کیا۔

آرمی چیف جنرل قمرجاوید باجوہ نےکہا کہ  ملک دشمن عناصرکےتمام عزائم ناکام بنائیں گے، دہشت گردی کےخلاف جنگ میں ایک طویل سفرطےکیاہے، قوم کےتعاون سےمسلح افواج نےدہشتگردوں کےخلاف کامیاب آپریشن کیے، دہشت گردوں کو دوبارہ منظم نہیں ہونےدیں گے۔

ان کا مزید کہنا تھا کہ دہشت گردوں کی باقیات کاخاتمہ کردیں گے، ہر قیمت پر دہشتگردوں،ان کےسہولت کاروں کےخاتمےکویقینی بنائیں گے۔

ترجمان پاک فوج کا کہنا ہے کہ  آرمی چیف جنرل قمرجاوید باجوہ نے تمام فارمیشنزکوتربیتی امورمزیدمؤثر بنانےکی ہدایت کی، آرمی چیف نے روایتی،غیر روایتی آپریشنزکےحوالے سےاموربہتر بنانےکی ہدایت کی۔