یوکرین تنازع : امریکی آبدوز ، روسی سمندری حدود میں داخل ، روس کا سخت جواب

غیر ملکی خبر رساں ادارے کے مطابق امریکی آبدوز کوریل جزائر کے نزدیک روسی سمندری حدود میں داخل ہوئی۔ 

روسی وزارت داخلہ کا کہنا ہے کہ امریکی آبدوز نے روسی حدود سے نکل جانے کی درخواست کو نظرانداز کیا جس پر روسی فوج نے متعلقہ اقدامات کیے تو امریکی آبادوز روسی حدوس سے باہر چلی گئی۔

روس نے  امریکا کی جانب سے روسی سمندری حدود کی خلاف ورزی پر شدید برہمی کا اظہار کیا اور امریکی فوجی اتاشی کو طلب کرلیا۔

دوسری جانب  ترجمان  پینٹاگون کا کہنا ہے کہ  ہم پیسیفک جزائر میں مبینہ بحریہ حادثے سے متعلق خبروں کو دیکھ رہے ہیں تاہم اس حوالے سے کوئی تصدیق نہیں کرسکتے ابھی۔

خیال رہے کہ  کوریل جزائر جاپان کے شمال میں واقع ہیں جن پر جنگ عظیم دوئم کے بعد سوویت یونین نے قبضہ کرلیا تھا اور  اب ماسکو کا کنٹرول ہے۔