ملک کی 60 فیصد اہل آبادی مکمل ویکسینیٹڈ ہوچکی ہے : این سی او سی

یشنل کمانڈ اینڈ کنٹرول سینٹر(این سی او سی ) نے گزشتہ روز بتایا ہے کہ ملک میں 60 فیصد اہل آبادی کو مکمل طور پر کووڈ 19 کے خلاف ویکسین لگائی جاچکی ہے۔

تفصیلات کے مطابق ہیلتھ سروسز اکیڈمی (ایچ ایس اے) کے وائس چانسلر شہزاد علی خان نے کہا ہے کہ مختلف ماڈلز، سرویز کے مطابق وائرس پاکستان کی 80 فیصد آبادی کو متاثر کرچکا ہے۔

انہوں نے مزید کہا کہ چونکہ ملک کی 60 فیصد آبادی کو مکمل طور پر ویکسین لگادی گئی ہے، اس لیے کووڈ 19 اب وبائی بیماری کے بجائے عمومی مقامی بیماری کی شکل اختیار کر گیا ہے۔

دوسری جانب ملک میں کورونا کے وار جاری ہیں ، نیشنل کمانڈ اینڈ آپریشن سینٹر (این سی او سی) کے مطابق ملک  بھر میں اب تک 29 ہزار 801 کورونا وائرس کے مریض انتقال کر چکے ہیں جبکہ اس  سے متاثرہ افراد کی تعداد 14 لاکھ 86 ہزار 361 ہو چکی ہے۔

ملک میں کورونا فعال کیسز کی تعداد 76 ہزار 639  رہی ۔  کورونا کےمثبت کیسزکی شرح5.62 فیصد رہی جبکہ ایک ہزار 566 مریضوں کی حالت تشویشناک ہے ۔ 

ملک میں گزشتہ 24 گھنٹوں میں ملک میں کورونا وائرس کے مزید 47 ہزار 307 ٹیسٹ کیے  گئے، گزشتہ24گھنٹوں میں 4 ہزار293 افراد کورونا سےصحت یاب ہوچکے ہیں ۔