چنیوٹ پولیس بھرتی اسکینڈل، سی ٹی ایس کا آپریشنل مینجر گرفتار

تفصیلات کے مطابق  اینٹی کرپشن نے کینڈیٹ ٹیسٹنگ سروس کے آپریشنل مینجر امجد جاویدکو گرفتار کر لیا، ملزم نے ابتدائی تفتیش میں ہوُشربا انکشافات کر دیئے۔ ملزم امجد جاوید ابتدائی تفتیش کے بعد پولیس میں بھرتیوں کی سیل اور طریقہ واردات کو سامنے لے آیا۔

ملزم امجد کا کہنا ہے کہ  جھنگ اور چنیوٹ میں پولیس نے نوکری کے خواہش مندوں سے کروڑوں روپے بٹورے ، اوسط تین سے چار لاکھ روپے میں کانسٹیبل کا پیپر کی بُکنگ ہوتی  رہی، چنیوٹ میں پچاس سے زائد امیدواروں سے رقوم بٹوری، میں  نے اپنے فرنٹ مین اصغر نامی شخص کے ذریعہ سارے معاملات کی۔

ملزم  امجد جاوید کا مزید کہنا تھا کہ  اصغر محکمہ موسمیات کا ملازم اور چنیوٹ کے علاقے لالیاں کا رہنے والا ہے،

میں پنجاب بھر میں کانسٹبل ، لیڈی کانسٹیبل اور ڈرائیورز کی بھرتی کا انچارج تھا ، چنیوٹ پولیس میں143 آسامیوں پر 1169 امیدواروں نے فزیکل ٹیسٹ پاس کیا،چنیوٹ پولیس میں بھرتی کے لئے تحریری امتحان 6 دسمبر 2020 کو  ہوا۔ تحریری امتحان میں 1109 امیدواران نے حصہ لیا۔

 ملزم نے اعتراف کیا کہ  تحریری امتحان کے دو دن بعد پیسے دینے والے امیدواران کے پرچے دوبارہ مکمل کئے گئے، ملزم امیدواران کو پرچہ خالی چھوڑنے کا کہتے اور بعد میں مکمل کروا لیتے تھے۔

اینٹی کرپشن حکام کا کہنا ہے کہ  چنیوٹ پولیس نے یکم جنوری 2021 کو پرچہ درج تھا،عدالت کے حکم پر معاملہ چنیوٹ پولیس سے لیکر جنوری کے پہلے ہفتے اینٹی کرپشن کو بھیج دیا گیا۔