محسن بیگ کی اہلیہ کیجانب سے دائر اخراج مقدمہ درخواست پر سماعت کا تحریری فیصلہ جاری

تفصیلات کے مطابق محسن بیگ کی اہلیہ کی جانب سے دائر اخراج مقدمہ درخواست پر سماعت کا تحریری فیصلہ جاری کردیا گیا۔

عدالت ڈسٹرکٹ مجسٹریٹ کو تھانہ مارگلہ کا دورہ کرنے اور انکوائری کرنے کی ہدایت کی، آئی جی اسلام آباد کو درخواست میں الزامات کی آزاددانہ انکوائری کرنے کی ہدایت کی۔  عدات نے دونوں افسران آئندہ سماعت پر رپورٹ جمع کرانے کی ہدایت کی۔

عدالت نے فیصلے میں کہا ہے کہ  پولیس کی حراست میں تشدد ناقابل برداشت ہے، تشدد کے ذمہ داران کو نتائج بھگتنا ہوں گے۔

اسلام آباد ہائیکورٹ نے آئی جی سے انکوائری رپورٹ طلب کرلی ہے۔

عدالت نے کہا ہے کہ  ڈسٹرکٹ مجسٹریٹ بھی تشدد کی انکوائری رپورٹ جمع کروائیں، دوران حراست تشدد اور وکیل کو ملزم تک رسائی نہ دینا سنجیدہ معاملہ ہے۔

عدالت نے ایڈووکیٹ جنرل اسلام آباد کو نوٹس جاری  کردیا ہے اس کے علاوہ  ایف آئی آر معطل کرنے کی درخواست پر نوٹس جاری کیا گیا ہے۔