پاک فوج کے تعاون سے قبائلی مشران وعمائدین کا اہم جرگہ،دہشتگردی کے خلاف زیرو ٹالرنس پالیسی کی حمایت

پشاور: شمالی وزیرستان کے علاقے میران شاہ اور ڈیرہ اسماعیل خان میں پاک  فوج کے تعاون سے قبائلی مشران و عمائدین کا اہم جرگہ اور گرینڈ امن کانفرنس منعقد کی گئی ، جس میں مشران و عمائدین سمیت دیگر مکاتب فکر نے شرکت کی۔ 

تفصیلات کے مطابق جرگے میں قبائلی مشران نے فتتہ الخوارج کے خاتمے کے لیے پاک فوج کی زیرو ٹالرنس پالیسی کی مکمل حمایت کا اعلان کیا اور سیکیورٹی فورسز ، پاک فوج شہدا کی لازوال قربانیوں کو زبردست خراج تحسین پیش کیا۔ 

جرگے میں جنرل آفیسر کمانڈنگ، میجر جنرل عادل افتخار وڑائچ نے بطور مہمان خصوصی شرکت کی اور قبائلی عوام کے کردار اور قربانیوں کو سراہا۔ 
اسی طرح چہکان ، ڈیرہ اسماعیل خان میں امن کانفرنس میں علما، مشائخ اور مشرکان نے شرکت کی، شرکا نے پاک فوج کے ساتھ یکجہتی کا اعلان کیا اور ریاست مخالف عناصر کے خامے میں بھر پور تعاون کی یقین دہانی کرائی۔ 

اس موقع پر میجر جنرل عادل افتخار وڑائچ نے جرگے کے شرکا سے خطاب کیا اور علما کرام کی قربانیوں کو سراہتے ہوئے انہیں قیام امن کا ستون قرار دیا۔ 

دونوں تقاریب میں شرکا نے علاقے ،میں تعلیم ، صحت اور خاص طور پر بچیوں کی تعلیم کے فروغ کے لیےپاک فوج کی کوششوں پر ان کا شکر ادا کیا اور ان کے اقدامات کو سراہا۔