قیدیوں کو مضر صحت کھاناکھلانے کی خبروں کے حوالے سےمحکمہ جیل پنجاب کا مؤقف سامنے آ گیا

فیصل آباد: محکمہ جیل خانہ جات کا ڈسٹرکٹ جیل فیصل آباد جیل میں قیدیوں کو مضر صحت کھاناکھلانے کی خبروں کو بے بنیا د اور حقائق کے منافی قرار دے دیا۔

تفصیلات کے مطابق محکمہ جیل پنجاب نے ڈسٹرکٹ جیل فیصل آباد کے قیدیوں کو گلی سڑی مردہ مرغیوں کھلانے کے الزام کے حوالے سے گردش کرنے والی خبر بے بنیاد اور حقائق کے برعکس قرار دے دیا ۔

اس حوالے سے ہوم سیکریٹری پنجاب ڈاکٹر احمد جاوید قاضی کی ہدایت پر ڈی آئی جی ہیڈکوارٹرز میاں سالک جلال نے معاملے کی چھان بین کی ہے مگر اس الزام میں کوئی صداقت نظر نہ آئی ہے۔

محکمہ کی جانب سے مزید بتایا گیا کہ قیدیوں کے کھانے کیلئے ڈسٹرکٹ جیل فیصل آباد سمیت پنجاب کی تمام جیلوں میں گوشت کی بجائے ذندہ مرغیاں سپلائی کی جاتی ہیں، جنھیں میڈیکل آفیسر کی نگرانی اور اسسٹنٹ سپرٹینڈنٹ جیل کی موجودگی میں ذبح کر کے گوشت تیار کیا جاتا ہے اور اس سارے عمل کی ویڈیوز روزانہ کی بنیاد پر انسپکٹوریث آف پریزنز بھیجی جاتی ہے۔

محکمہ جیل کی جانب سے مزید بتایا گیا کہ اس الزام کے ذریعے جرائم پیشہ عناصر کی جانب سے ناجائز مطالبات کے حصول اور محکمہ کو بدنام کرنے کیلئے محض پراپیگنڈا کیا گیا ہے ، جبکہ اس الزام کا حقیقت سے کو تعلق نہ ہے۔