امریکی الیکشن:اب تک کتنے کروڑ امریکیوں نے ووٹ کاسٹ کر لیا؟

برطانوی نشریاتی ادارے (بی بی سی) کی رپورٹ  کے مطابق امریکا میں 5 نومبر کو ہونے والے صدارتی انتخابات میں اب تک7 کروڑ 50 لاکھ (75 ملین) سے زائد ووٹرز نے قبل از انتخابات اپنا حق رائے دہی استعمال کرلیا ہے، جن میں  4کروڑ10لاکھ لوگوں نے پولنگ سٹیشنز پر جا کر اپنا ووٹ کاسٹ کیاجبکہ ،3 کروڑ 40لاکھ لوگوں نے پوسٹل بیلٹ یاای میل ووٹنگ کے ذریعے حق رائے دہی استعمال کیا۔    
امریکی صدارتی الیکشن میں دو روز باقی ہے ، سابق امریکی صدر ٹرمپ اور ڈیموکریٹک امیدوار کملا ہیرس کے درمیان سخت کانٹے کا مقابلہ متوقع ہے، کچھ ریاستوں میں سابق امریکی صدر ڈونلڈ ٹرمپ کی جانب سے جیت کا دعویٰ کیا جا رہا ہےاور دوسری طرف کملا ہیرس بھی اپنی جیت کا دعویٰ کر رہی ہیں۔
صدارتی امیدوار کملا ہیرس نے اٹلانٹا، جارجیا اور نارتھ کیرولائنا کا دورہ کیا،اور کہا  کہ  اپنے ملک کے لیے لڑنے کو تیار ہیں، ڈونلڈ ٹرمپ نے اپنے دور اقتدار میں ہر خاندان پر سیلز ٹیکس لگایا،  آپ کا ووٹ ہی آپ کی طاقت اور آواز ہے۔
جبکہ دوسری جانب  سابق امریکی صدر ڈونلڈ ٹرمپ نے نارتھ کیرولائنا اور ورجینیا میں جیت کا پیشگی دعویٰ کر دیا، ٹرمپ کا کہنا ہے وہ انتخابات جیت کر امریکہ کو ایک عظیم  معاشی ملک بنائیں گے، اپنے خطاب میں انہوں نے دنیا میں امن قائم کرنے اور تارکین وطن کے خلاف کارروائی کرنے کا بھی اعلان کیا۔