وزیر اعظم سے منحرف لیگی اراکین اسمبلی کی ملاقات،مکمل حمایت کی یقین دہانی

ذرائع کے مطابق  وزیر اعظم عمران خان سے منحرف  لیگی  اراکین اسمبلی کی  ملاقات ہوئی ہے، ملاقات میں جلیل شرقپوری، فیصل نیازی، اشرف انصاری، اظہر عباس چانڈیا اور مولانا غیاث الدین شامل  ہیں۔

ذرائع کا کہنا ہے کہ لیگی اراکین اسمبلی نے وزیر اعظم کو اپنی مکمل حمایت کا یقین دلایا۔ لیگی اراکین اسمبلی کا کہنا ہے کہ  وزیر اعظم عمران خان کی قیادت پر مکمل اعتماد ہے۔

ذرائع نے بتایا ہے کہ وزیر اعظم نے کہا کہ  عدم اعتمادسے پہلے اسلام آباد میں ملکی تاریخ کا سب سے بڑا جلسہ ہو گا، اگر اپوزیشن 172 ووٹ پورے کر جائے تو پھر تو میرے سے کمزور شخص کوئی نہیں ہو گا۔ وزیر اعظم عمران خان نے کہا کہ  اس وقت اپنا فوکس صرف اسلام آباد رکھیں۔

خیال رہے کہ وفاق میں اپوزیشن جماعتیں وزیراعظم عمران خان کیخلاف تحریک عدم اعتماد پیش کرچکی ہیں۔