مولانا فضل الرحمان پارلیمنٹ لاجز پہنچ گئے ،گرفتاری دینے کا اعلان

تفصیلات کے مطابق  جے یو آئی سربراہ مولانا فضل الرحمان پارلیمنٹ لاجز پہنچ گئے  اور گرفتاری دینے کا اعلان  بھی کردیا۔سربراہ پی ڈی ایم مولانا فضل الرحمان نے کہا ہے کہ  عمران خان کو کان سے پکڑ کر باہر نکالیں گے ،کارکن اسلام آباد پہنچ جائیں ۔

قبل ازیں  پولیس نے پارلیمنٹ لاجز سے انصار اسلام کے کارکنوں کو نکالنے کے لئے آپریشن شروع کیا، اس دوران  مولانا جمال الدین اور مفتی عبداللہ کو گرفتار کر لیا ہے۔

پارلیمنٹ لاجز میں دھکم پیل سے سینیٹر قانون دان سینیٹر کامران مرتضی زخمی ہوگئے، صلاح الدین ایوبی کے لاج نمبر چار سو ایک کے باہر ایس ایس پی بھاری نفری کے ہمراہ موجود ہیں ۔ پولیس نے داخلی دروازے پر اضافی نفری طلب کر لی ہے۔