نوجوت سنگھ سدھو امرتسر کی نشست پر شکست سے دوچار

امرتسر: بھارت پنجاب کے انتخابات میں عام آدمی پارٹی نے جھاڑو پھیر دیا ہے اور کلین سویپ کردیا ہے۔

اس کلین سویپ کی زد میں معروف ترین شخصیات بھی آگئی ہیں  جن میں سابق وزیراعلیٰ سمیت معروف ترین شخصیت نوجوت سنگھ سدھو بھی شامل ہیں 

بھارتی کرکٹر سے سیاستدان بننے والے نوجوت سنگھ سدھو نے بھارتی پنجاب میں امرتسر کی نشست پر الیکشن لڑا تھا جس میں وہ ہار گئے ہیں۔

واضح رہے کہ نوجوت سنگھ سدھو ایک لمبے عرصے سے سیاست سے دور رہے اور پھر بھارتی پنجاب میں کانگریس کے اہم رہنما کے طور پر سیاسی مہم کا آغاز کیا ۔  

تاہم اس بار بھارتی پنجاب کی عوام نے عام آدمی پارٹی کو بھرپور ووٹ دیے اور عام آدمی پارٹی کلین سویپ کرنے میں کامیاب ہوگئی ۔ 

نوجوت سنگھ سدھو کو کرتار پور رہداری کے بعد عمران خان سے دوستی کی وجہ سے تنقید کا سامنا بھی رہا  اور الیکشن مہم کے دوران عمران خان اور ان کی دوستی کو لیکر کافی چرچا بھی ہوتا رہا ہے ، 

تاہم نوجوت سنگھ سدھو نے اپنی شکست کو بخوشی تسلیم کرلیا ہے ۔