علیم خان کی لندن میں نوازشریف سے ملاقات 

ذرائع کے مطابق پاکستان تحریک انصاف ترین گروپ کے رہنما اور سابق وزیر علیم  خان نے سابق وزیراعظم نوازشریف سے ملاقات کی ہے۔   دونوں رہنماؤں نے ملاقات میں ملکی  سیاسی صورتحال اورتحریک عدم اعتماد  پر تبادلہ خیال کیا  ہے ۔  علیم خان نے  نوازشریف کو موجودہ حکومت میں اپنے خلاف نیب کی ہونے والی کارروائیوں کے بارے آگاہ کیا ۔ 

ذرائع کے مطابق  اسحاق ڈار اور نواز شریف کے بیٹے بھی ملاقات میں موجود تھے، جبکہ لندن میں ہی موجود پی ٹی آئی رہنما جہانگیرترین ملاقات میں موجود نہیں تھے۔

علیم خان  کی آج جہانگیر ترین سے بھی لندن میں دوبارہ ملاقات کا امکان ہے ۔ 

علیم خان کی نواز شریف سے ملاقات میں نیب کاروائیوں پر گفتگو ہوئی جبکہ آئندہ کے منظر نامے پر بھی مشاورت کی ، شہزاد حسین بٹ کے بااعتماد ذرائٰع سے اندر کی خبر صرف جی این این پر #gnn #gnnupdates pic.twitter.com/moOOcFW2bI

— GNN (@gnnhdofficial) March 11, 2022

خیال رہے کہ علیم خان نے لندن آنے سے قبل شہباز شریف سے بھی لاہور میں ملاقات کی تھی۔

واضح رہےکہ حال ہی میں ترین گروپ میں شمولیت اختیار  کرنے والے علیم خان جہانگیر ترین سے ملاقات کے لیے لندن روانہ ہوئے تھے۔