تحریک عدم اعتماد کی ناکامی دیوار پر لکھی نظر آ رہی ہے،عثمان بزدار

تفصیلات کے مطابق  وزیراعلیٰ پنجاب سردار عثمان بزدار سے صوبائی وزراء سردار محمد آصف نکئی اور محمد ہاشم ڈوگر کی ملاقات ہوئی،جس میں  سیاسی صورتحال، محکموں کی کارکردگی اور حلقوں میں جاری ترقیاتی منصوبوں پر ہونے والی پیش رفت پر تبادلہ خیال کیا گیا۔ آصف نکئی اور محمد ہاشم ڈوگر نے وزیراعلیٰ عثمان بزدار کی قیادت پر بھرپور اعتماد کا اظہار کیا۔

وزیر اعلی پنجاب عثمان بزدار نے کہا کہ  ہم سب نے وزیراعظم عمران خان کی ٹیم کے طور پر صوبے کی عوام کی خدمت کی ہے اور کرتے رہیں گے،سازشیں کرنے والے بے نقاب ہو چکے ہیں، سازشی عناصر کا کوئی سیاسی مستقبل نہیں۔

عثمان بزدار نے کہا کہ  اپوزیشن کی جانب سے سیاسی انتشار پیدا کرنے کی ہر کوشش ناکام بنائیں گے۔تحریک عدم اعتماد کی ناکامی دیوار پر لکھی نظر آ رہی ہے،اپوزیشن جانتی ہے کہ حکومت کو نمبر گیم میں برتری حاصل ہے۔مل کر صوبے کے عوام کی خدمت کے سفر کو مزید تیزی سے آگے بڑھانا ہے۔آپ کے حلقوں کے جائز مسائل ترجیحی بنیادوں پر حل کئے جائیں گے۔ع

صوبائی وزراء نے کہا کہ  آپ نے ہمیشہ ہماری بات سنی ہے۔ آپ نے ہمیں عزت دی ہے اور حلقوں کے مسائل کے حل میں ذاتی دلچسپی لی ہے۔