ملک میں اس وقت پٹرول کی قیمت 240 روپے لیٹر ہونی چاہئیے ، وزیر خزانہ 

تفصیلات کے مطابق وزیر خزانہ شوکت ترین نے کہا ہے کہ  پٹرول کی عالمی مارکیٹ میں قیمت 118 ڈالر فی بیرل ہے،  اس لحاظ سے اس وقت پٹرول کی قیمت 240 روپے لیٹر ہونی چاہئیے،  قیمت کم کرنے کی وجہ سے ہرماہ 104 ارب روپے حکومت برداشت کررہی ہے۔

انہوں نے کہا کہ  مہنگائی شہری مڈل اور لوئر کلاس اور تنخواہ دار طبقے کو متاثر کررہی ہے، اس سال مہنگائی 8 سے 10 فیصد رہنے کا امکان ہے،  گروتھ ریٹ ساڑھے 5 فیصد تک ہوگی۔

شوکت ترین نے کہا کہ اگلے پانچ سال میں ایکسپورٹس 50 ارب ڈالر تک لے جانے کا منصوبہ ہے،  ہم نے چین سے کہا ہے کہ اپنی چھوٹی صنعتیں پاکستان میں شفٹ کریں،  زراعت میں پیداوار بڑھانے کے لئے تعاون مانگا ہے،  آئی ٹی سیکٹر کے فروغ کے لئے تعاون کا کہا ہے،  ہم نے چین سے امداد نہیں بلکہ تجارت میں توازن مانگا ہے،  اس سے لاکھوں نوکریاں پیدا ہوں گی۔

وزیر خزانہ کا کہنا تھا کہ معیشت میں اصلاحات لارہے ہیں، اگلے چار سال میں ایک اعشاریہ 4 کھرب روپے نوجوانوں کو کامیاب نوجوان پروگرام کے تحت دیں گے، کامیاب جوان پروگرام کو کوئی ختم نہیں کرسکے گا،  ہمارا پروگرام ہے کہ نوجوانوں کو بااختیار بناکر آئی ایم ایف سے نجات حاصل کریں گے۔